ما الذي تخبرنا به حبة لقاح عن تاريخ الأهرامات

رغم بناءها من أكثر من 4000 سنة مازالت أهرامات الجيزة محل اهتمام الكثيرين من أثريين وهندسيين لكتاب وفنانين مع ما تثير من أسئلة عن كيفية بناء الأعجوبة الوحيدة الباقية من عجائب الدنيا السابعة الأديمة حتى أن البعض راحوا لأن في كائنات فضائية نزلت على الأرض فوق ما وشيدت في الصرح العظيم ده غير أن العلم الحديث بيحاول يوم بعد يوم أنه هو يزيح جزء من الغموض المحيط ببناء الأهرامات عشان يثبت أن البطل الحقيقي في بناء الملحمة دي هو العقل البشري اللي نجح في استغلال الموارد المتاحة حوله ومن بين آخر المحاولات دي بحث نشر في دورية Proceedings of the National Academy of Sciences  والليتوصل فيه الباحثون لأن فيه فرع قديم للنيل ما مابقاش موجود دلوقتي كان وقتها عنصر أساسي في بناء الأهرامات

السؤال أنه ليه الأهرامات سقارة أو بوصير  وجيزة ودهشور كلها واخدين لاين واحد كده ودلوقتي حالياً في الصحراء يخلينا نسأل أكيد كان فيه نيل هنا يعني في المكان ده.

 تحدثنا دكتور هدير شعيشع بحثة الجيولوجيا والجغرافيا الطبعية في مركز سيرج لعلوم الأرض والبيئة في جامعة مارسيليا وباحثة الحفريات الدقيقة في معهد المتوسط وتحدثت للدراسات التنوع النباتي والحيوي في جامعة أفنيو عن دراسة اللي شاركت في تألفها وكمان بتشرح لنا المزيد عن تأثير المناخ على المسارات التاريخية والصراعات في المنطقة وإزاي قدر العلماء أنهم يفهموا اللي حصل من آلاف السنين واستدلين على ده بحفنة من الحبوب البقية إلى جانب عناصر تانية شارك في الإعداد أحمد جمال ومعكم علياء  حامد

نيتشر ميدل إيست: خلينا نبدأ بالكلام عن الورقة البحثية اللي اكتشفت وجود ذرع للنيل يصل للأهرامات وانضثر من آلاف السنين إزاي وصلتم للنتيجة دي وإيه اللي خلاكم تفكروا أصلاً في البحث عن الفرع ده رغم أنه مالوش أي أثر حالياً؟

هدير شعيشع:  إحنا وصلنا للنتيجة دي من خلال النباتات اللي كانت في الموقع هو التخصص اللي إحنا بنشتغل فيه هو دقيق شوية يعني إحنا بنعمل تأسيس لنوعية التجمعات النباتية في البيئات القديمة. في كل بيئة في العالم أو في البيئة بتاعتنا كل مكان له التجمع النباتي المميز ليه فمن خلال ده إحنا من خلال عينات التربة على أعماق متفاوتة وطبعاً الأعماق المتفاوتة دي كل واحدة فيها بترجع لعصر معين ونقدر إننا نفهم تركيبة النباتات هنا إزاي تركيبة البيئة هل دي كانت بحيرة؟ هل دا كان نهر؟ هل دا كان صحرا؟ هل دا كان أرض زراعية؟ فالحقيقة أنه الدراسات اللي من نوع دا في مصر يعني بتعتبر لسه مجال جديد جداً مش مطبق قبل كده كتير في المواقع الأسرية ولكنه أثبت فعليته أنه إحنا نقدر، يعني بالذات في مكان زي مصر يعني نهر النيل هو النهر الوحيد تقريباً فحيثما يمر النيل يعني نقدر نفهم أنه هنا أكيد في حياة وكمان الديناميكس بتاعت النيل بتقول لنا المكان دا كان عايش إزاي، كان ظروفه البيئية عاملة إزاي. الدراسة مهمة لأنه الأسئلة اللي من نوع دا ما بتطرحش عن أهرامات الجيزة غالباً يعني ما طرحوهاش قبل كده. أول ما دايماً بيسألوا إيه الديناميكية بترفع الأحجار إيه الهندسة الزوايا التعمد الفلكي أشياء من هذا القبيل، ولكن السؤال أنه ليه الأهرامات في سقارة أبو صير والجيزة ودهشور كلها واخدين لاين واحد كده ودلوقتي حالياً في الصحراء ده يخلينا نسأل أكيد كان فيه نيل هنا في المكان دا، وخاصة عندما نفهم كمان أنه النيل هو كان وسيلة المواصلات في الوقت دا فأزاي هتعمل مشروع بالضخامة دي من غير ما يبقى عندك وسيلة مواصلات ويعملك constant logistic supply وبالتالي .السؤال موجود من زمان في الحقيقة الأهرامات إزاي كانوا بيقدروا يجيبوا الحجارة دي من أسوان والجرانيت والحجارة الجيرية من  طرة المسافات الشاسعة دي كانوا بيقدروا ينقلوها إزاي من غير نهر النيل وبالتالي هي فكرة common sense هي موجودة في الأيجيبتولوجي. موجودة وحصل أنه كمان يعني قريباً حصل اكتشاف في ميناء على البحر الأحمر في مكان اسمه وادي الجرف لقوا  برديات  بتتكلم عن ميناء. فين؟ في الجيزة ومن هنا جاء السؤال طيب هي الميناء دي كانت فين النهر اللي كان بيغزيها كان فين هل الفيضان كان بيستهم في عملية البناء دي تفصيلة مهمة جداً عشان نفهم عملية بناء الأهرامات.

نيتشر ميدل إيست: يعني الفكرة كانت موجودة من زمان لكن اللي خلاكم تبدأوا البحث وتاخدوا عينات هي البرديات اللي لقيتوها في البحر الأحمر. طيب ممكن تحكلنا أكتر عن البرديات دي؟

هدير شعيشع: دا مكان كده جنب سفاجا ويعتبر في الصحراء يعني على شاطئ البحر الأحمر ولقوا برديات مثيرة جداً للانتباه في سنة 2013. يعني لقوا  برديات بتعود لعصر الملك خوفه حوالي من 4600 سنة بتتكلم عن واحد اسمه الرئيس ميرر أو القائد ميرر و 200 واحد من رجالته بحارة، كانوا بيكتبوا يومياتهم بشكل دقيق جداً بشكل مدهش حتى يعني منتهى النظام كانوا بيعملوا إيه؟ كانوا بيباتوا فين؟ جابوا حجارة وزنها قد إيه؟ في الفترة دي جابوا أكل وبضايع من الحتة من مدينة إيه؟ وراحوا الجيزة ووقفوا فين؟ والمناسبة بيذكر في البرديات دي أن أخو الملك خوفو شارك في هذه البعثات البحرية وبالتالي إحنا ده دي تفصيلة في قمة الأهمية ليه بقى؟ لأنه فيه المعتقد السائد أنه الأهرامات اللي بناها عبيد بس ده مش حقيقي لما نفهم أنه أخو الملك خوفو بنفسه كانوا بيشارك في عملية البناء ده يدل أن البنائين كانوا إليت كانوا ناس يعني يعتبروا ناس مهمة وبريستيجيوس في المجتمع. كمان فيه حاجات مثيرة جداً للانتباه. إحنا بنعمل دراسة حالياً عن البقايا النباتية في الجاليريز- المكان العمال بيناموا فيه-  فنلاقي بقايا فاكهة وبقايا عظام حيوانات. وبالتالي حتى مستوى أكلهم وتقسيم الأماكن اللي كانوا بيناموا فيها كان محترم جداً. ده مش مكان عبيد. الأهرامات لم تبنى بالسخرة. وده شيء أصبح يعني واضح جداً في الدراسات الحديثة. الأهرامات كان مشروع عظيم جداً في المملكة القديمة وبني بمنتهى النظام والدقة، ومنتهى الاحترام للبنائين. اللي عايزين احنا عايزين نفهمه إن احنا كبالينتولوجيست أو ناس بتستخدم حبوب اللقاح والنباتات القديمة في الدراسات البيئية والدراسات الأنثروبولوجية إنه إحنا ممكن نحصل على معلومات ليست مباشرة ولكنها دلائل عميقة جداً على القصة. عارفة اللي بيروح موقع الجريمة ويجيب كده الدلائل والبصمات ويقدر ينسج القصة اللي هو ما شفهاش! إحنا ما شفناش القصة، ولكن أن النباتات هي راصد دقيق للقصة يقدر يقول لنا المكان ده مين اللي بوز المكان ده، مين اللي بزرع فيه، كانوا بياكلوا إيه؟ كانوا قاعدين فين؟ فين الحتة دي كانت مية ولا كانت صحرا؟ الحتة دي كانوا عايشين فيها ولا لا؟ الحتة دي كانت إمتى فيها نهر وإمتى الناس مشيت من هنا؟ حاجات كتير مثيرة للانتباه يعني.

نيتشر ميدل إيست: طيب الدراسة بتقول إن الفرع ده اندثر من آلاف السنين لكن اللي بيسمع البودكاست ممكن يقول إيه الكلام ده ما إحنا بنشوف صور من أيام الملكية وبيظهر فرع النيل بيمر من قصاد الأهرامات وفيه جمال ماشية وكده هل ده فرع مختلف عن اللي بتتكلم عنه الدراسة؟

هدير شعيشع: هو الحقيقة إنه الفرع اللي كان بيعمل فيضان في الجيزة من حوالي قرن واربعين سنة ده فرع حديث جداً شقه الخديوي إسماعيل في عام 1860. فده فرع صناعي كان اسمه ترعة اللبيني، متفرعة من ترعة الإبراهيمية اللي هي جاية من الصعيد. وكان مشروع رأي ضخم جداً الخديوي إسماعيل عمله، وكان بيمر بالفيوم وكان بيغزي أراضي الراعية يعني مئات الأفدنة. وبالتالي إحنا لما نشوف فيضان طول القرن اللي فات قبل بناء السد العالي في الجيزة ده شيء مش مدهش، ولكن هو ده أصلاً سر إنه يعني يحصل إنه السؤال بتاع علماء المصريات يبدأوا يقولوا طيب هل ده كان نفس الوضع زمان أيام بناء الأهرامات؟ هل طيب هل القناة دي كانت قناة صناعية زي القناة بتاعت الخديوي إسماعيل ولا كانت فرع من النيل طبيعي؟ السؤال عن ماهية القناة نفسها علشان ده يشرح لنا التكوين البيئي بتاع المكان اللي الناس كانت عايشة فيه. طيب هل هو كان النيل نفسه حصل له هجرة مثلاً لمكانه الحالي. يعني هل النيل نفسه كان فرع النيل نفسه ولا بيمر جنب الجيزة؟ طيب لو هو قناة صغيرة إزاي قدرت تشيل هذه الأحمال؟ يعني السفن الضخمة أوي دي كانت بتشيل اتنين مليون طن، لكي أنت تتصوري، فهل هي لو قناة صغيرة وصناعية هل كان بإمكانها أنها تشيل اللي بنسميها accommodation space هل هي كان بإمكانها أن المية دي هل هي كان بإمكانها أن تشيل مراكب بهذه الضخمة وهذا الثقل؟ وبالتالي أسئلة كتير جداً وتقع في صلب عملية البناء لأنه أنت متخيلة أنه مشروع زي دا اللوجيستكس بتاعته هي في صلب العملية لا تتجزأ عن عملية لا تقل أهمية عن رفع الحجرة دي حصلت إزاي إن احنا نجيب الإجابة دي. وبالتالي الفرع دا اندثر في نهاية المملكة الوسطى. ومش اندثر ولكنه تحول لقناة صغيرة قوي. بامبري، بامبري بتشتغل في أبوصير هي رئيسة البعثة الأسرية في أبوصير، بتتكلم عن أنه في الفترة دي هي geomorphologist يعني بتعمل بتوصف البيئة من خلال طبقات الأرض وليس من خلال التنوع النباتي فبتقول أنه في الفترة دي حصل أنه في نهر صغير كان بيمر في منطقة ممفيس وأبوصير والنهر الصغير ده من خلال تسجيلات الكتابية يعني Heroglyphics والحاجات اللي عن المعابد بيسموه "ماعتي". "ماعت" هي إلهة العدل إلهة العدل عند الفرعون. إحنا قدرنا نحن نعمل correlation يعني نقول آه طيب في اللحظة دي بما إن نهر خوفو، اللي إحنا سميناه نهر خوفو، هو يعني الفرع دا كان مجهول وجوده وبالتالي إحنا لما اكتشفنا وجوده سميناه خوفو، فإحنا قلنا آه يعني في اللحظة دي سنة 3700 نهر خوفو بدأ يتحول لقناة موسمية وصغيرة لكن قبل كده هو كان فرع كبير لم يكن القناة الرئيسية من النيل يعني آه ليه لأنه الاتساع بتاعها كان حوالي 500 متر. اللاينز اللي إحنا عملناها تأسيس بتاع الغطاء النباتي كان العرض بتاعه حوالي 500 متر فده تقريبا زي فرع رشيد كده.

علياء: أنت في وسط الكلام دلوقتي قلت إن أحد الفرضيات إن النيل هاجر يعني إيه النيل هاجر؟

هدير شعيشع: هو النيل بيجيب معاه رواسب من هضاب أثيوبيا ومن وسط أفريقيا من منابع النيل.  بيجيب طول الوقت رواسب. فمع الوقت الرواسب دي بتفضل تتجمع تتجمع لحد ما بيحصل siltation. النهر بيبقى المكان اللي هو بيمر فيه خلاص كده بقى مليان رواسب ماعدش له مكان، يعني بيتردم. فيبدأ النهر يدور على حتة أوطى يمشي فيها, فتبص تلاقي إنه في عصور مقابلة التاريخ اللي هو مثلاً من 6000 سنة مثلاً كان النيل بيمر تقريباً في موقعه الحالي دلوقتي. وعشان كده تلاقي إنه مواقع الأسرية اللي بتعود لما قبل التاريخ هتلاقيها فين بقى؟ هتلاقيها في حلوان، في معادي، في عين شمس. أماكن مش بعيدة عن النيل الحالي، ولكن جيفريز، ده باحث جيوموركولوجي، برضه بيقولنا إيه بقى؟ بيقولنا إنه النيل فضل في الآلاف السنين اللي بعديها، يعني لحد عصر بيبي الثاني تقريباً اللي هو مثلاً نقول 2000 سنة، فضل النيل يهاجر غرباً فضل كل شوية يردم المسار بتاعه وياخد مسار تاني يردم المسار بتاعه وياخد مسار تاني، فيحصل له إزاحة ناحية الغرب. لحد ما وصل بمحازاة ميت رهينة اللي هي في الوقت ده كانت عاصمة مصر كان اسمها "ممفيس"، وبدأ يحصل له إزاحة تاني لناحية الشرق. في كل فترة من الفترات دي بيحصل إيه؟ إنه الناس كمان بتهاجر وراه يعني نبص نلاقي إنه القرى وحتى مواقع الأهرامات الحالية وحتى المواقع الأثرية تبص تلاقيها هي كمان كلما النيل بيغير مكانه الناس كمان بتغير مكانها والقرى والمواقع الأثرية مكانها بيتغير، وبالتالي الدلتا كمان موقعها كانت بيتغير. عندك دلوقتي الدلتا بتتفرع فين عند القاهرة لكن في بعض الأوقات من التاريخ الدلنا لم تكن رأسها عند القاهرة. رأسها كانت عند الفيوم وحتة اسمها ميدوم وقدام أبوصير. ففي نظريات أن الأهرامات دي كانت في الدلتا. كانت في وقت من الأوقات الأهرامات اللي في أبوصير وسقارة والجيزة وكل ده وحتى أبورواش كانت أو على أقل تقدير كانت على الفرع الغربي من الدلتا. فمع التطور الجيولوجي والتطور في مستوى سطح البحر والتفاعل وكمان النهر اللي بيكبر، بيشيخ. بدل ما كان متلولوا يعني بياخد مسار أكثر استقامة وبالتالي إيه اللي بيحصل؟

نيتر ميدل إيست: بقى راصين أكتر

هدير شعيشع: بقى راصين أيوا. ماعدش طايش. فمع الوقت بيبدأ النهر يبقى سلوكه مختلف ويبدأ ياخد مسارات أكثر حدة وأكثر استقامة. والناس بتبدأ تعيش في أماكن مستقرة. والمستنقعات اللي كان بيعملها بتبدأ تقل وتنهار وهو ده اللي بنسميه هجرة النهر.

نيتشر ميدل إيست: طيب نرجع للدراسة إنتِ إمتى عرفتي باكتشاف البرديات دي وكان إيه رد فعلك وقتها؟

هدير شعيشع: هو الاكتشاف ده حصل سنة 2013 يعني أنا في الفترة دي كنت بعمل ماجستير في شانجهاي في الصين وكنت شغالة على شرق الدلتا وكنت لسه بتعلم. باخد دبلوم في Botany، لأنه أنا جيولوجية، ففي اللحظة دي كنت غرقانة في دراسة البوتني. وكنت مندهشة جدا من الصلة الغير متوقعة بين أشياء مختلفة تماما زي الجيولوجيا والبيولوجي والجغرافيا وعلم المصريات كل ده في نفس الوقت. وبعدين كنت لسه بتعلم وما سمعتش عن الموضوع ده. كنت بعرض نتائج البحث اللي كنت بعمله على شرق الدلتا في الفترة دي في مؤتمر في اليونان، وقابلت كريستوف. كريستوف هو هيبقى المشرف بتاعي فيما بعد في الدكتوراه. وكنا بنتكلم في فاصل كده من فواصل القهوة، فواقفين بنتكلم فالكلام جاب بعضه، فبقول له يعني شوف نهر النيل ممكن إزاي يغير التوزيع السكاني والديموغرافي. يخلي قرى كاملة تباد والناس تهاجر منها، وقرى جديدة تنشأ، وأنت متخيل ممكن يكون نهر النيل بيأثر ازاي على مسار الحضارة المصرية القديمة؟ فلقيته بيقول لي؛ اه يعني انت متخيلة مثلا انه حاجة موقع أثري زي الأهرامات اللي هو أشهر موقع أثري في العالم لم تطبق عليه دراسة بيئية واحدة. انت متخيلة يا هدير. احنا محتاجين paleontologist . فقلت له أنا موجودة أنا موجودة أنا باليونتولوجيست. كنت لسه بدرس في الوقت ده. قلت له أنا لسه بتعلم بس أنا يعني هعمل كل مجهود. فقال لي انت عارفة انه فيه اكتشاف كذا وكذا وانهم بيقولوا فيه مينا بس مش لقين المينا دي فين. قلبي دق بقى. قلت له فين الكلام ده؟ قال لي مسيو تاليه من جامعة السوربون لقى البرديات دي وترجمها ولكن لسه متنشرتش فتابعي بقى معايا. هي دي بقى بداية معرفتي بكريستوف. بدأنا نتكلم في الشهور اللي بعد كده وراسلنا تاليه علشان يبعت لنا الترجمة. بدأت أقراها وكنت مندهشة جدا. يعني انت متخيلة يا علياء انه بيتكلموا ازاي عن أدق تفاصيل. بيسجلوا كل تفاصيل الرحلة من من سينا من مناجم سينا لطرة، باتوا فين، كلوا ايه، جابوا مواشي منين عشان يودوها فين، جابوا حبوب منين وغلال منين عشان يودوها. بمنتهى الدقة وعملناها على شكل جداول كده فاهمة! تقوليش مثلا حاجة سجل جديد او حاجة زي كده. مدهشة بالنسبة لي. من يومها بقى وانا حطيت في دماغي ان هي دي الخطوة الجاية. يعني مجرد ما نقشت الماجستير كنا بدأنا ناخد عينات already حتى من قبل ما قدم على الدكتوراة. وبدأنا نعمل proposal والـproposal حصل له احتفاء. يعني مجرد ما عملناه في الاكاديمية الفرنسية للعلوم جاله fund وعلى طول يعني. الفرنسويين مهتمين جدا بحكاية الاهرامات والحضارة المصرية القديمة. جالنا fund على طول وبدأنا نشتغل على طول وكانت النتائج مبشرة من البداية.

نيتشر ميدل إيست: طيب انتي بتحكي دلوقتي بتقولي إنك في الأساس جيولوجية وبعدين بتدرسي النباتات ايه اللي جاب النباتات للحفريات والتاريخ ممكن تكلمينا اكتر عن مجال تخصصك؟ حتى في التايتل بتاعك في حاجات كتيرة مختلفة.

هدير شعيشع: بصي هو انا أصلا Geologist Paleontologist يعني انا متخصصة في الحفريات الدقيقة. أنا اصلا المجال بتاعي اللي انا درسته في الكلية هو حفريات فانا كنت في حفريات لا فقرية، لأنه واحد زي هشام سلام هو مجاله حفريات فقرية وديناصورات واشياء من هذا القبيل. لكن انا حفريات لا فقرية دقيقة زي البكتيريا زي الطحالب زي النانو فوسيلز لكن نباتات لا النباتات Paleontologist مش موجودة في مصر. المجال ده حديث فكرة حبوب اللقاح انه حد يميز حبوب اللقاح. فده دراسات ضئيلة وما درسناهاش في الكلية. فأنا بعد ما اتخرجت.. هو غالبا الاتجاه الحديث في العلم هو متعدد التخصصات حاجة كده مش حاجة واحدة. الناس دلوقتي بقوا متجهين اكتر انه انا مش هدرس بيولوجي بس انا هدرس بيولوجي وهدرس DNA وهدرس جيولوجيا في نفس الوقت وهدرس.. فانا جغرافيا طبيعية ده الاسم الكبير، بعد كده هبدأ اوصف نفسي باني Geoarchaeologist يعني باستخدم الجيولوجيا في اني افهم الموقع الاثرية والحضارات القديمة؛ تأثير البيئة على الحضارات القديمة. وعشان افهم تأثير البيئة على الحضارات القديمة من خلال التربة فأنا لازم ابقى جيولوجية علشان انا بتعامل مع عينات التربة، ولازم ابقى بيولوجية علشان انا بتعامل مع محتوى بيولوجي النباتات، ولازم ابقى جغرافية علشان انا بعمل خرائط ،ولازم ابقى عالمة أثار علشان اقدر افهم المجرى التاريخي ده.. المكان ده السياق التاريخي الاثري اللي حصل فيه. بالتالي العملية مجهدة ولكنها مثيرة. يعني القصة لها اجزاء كتير زي البازل كده وفي نهاية احنا بنقدر نحكي القصة كانت عاملة ازاي. وانا مش عايزة اقولك مدى السعادة اللي الانسان بيحسها لما يكون هو اول واحد يكتشف حاجة ومفيش حد عارفها تاني. وهو اول واحد بيحكيها للناس.. يعني متعة لا تضاهيها أي متعة تاني. وانا كنت مستعدة ادرس 200 تخصص كمان علشان اوصل لدى.

نيتشر ميدل إيست: الحقيقة واحنا بنحضر للحلقة لما كنتِ بتحكي عن ازاي قدرتِ من خلال حبوب اللقاح اللي لقيتوها في الموقع انك تعرفي إن في فرع النيل كان بيعدي من هنا فكرتيني بحاجة يمكن جمهور هاري بوتر هيعرفوها اللي هو pensieve اللي كان دامبلدور بيحتفظ فيه بالذكريات ويرجع لها لما يحب أو كأن الحبوب اللي لقيتيها بيطلع منها زي هولوجرام بالصور القديمة.

هدير شعيشع: ايوا ايوا بالضبط هو فعلا هكده

نيتشر ميدل إيست: فإلى أي مدى الموضوع بيكون بالدقة انك تقدري تكويني صورة للحياة من آلاف السنين باستخدام شوية حفريات لحبوب في الموقع؟

هدير شعيشع: هو أنا زي ما قلتلك احنا الغطاء النباتي ده حساس جدا وبالتالي لما انت بيبقى عندك مكان خصب وبكر بتبقى طبيعة التركيبة البيئية فيه خاصة جدا بحيث انه مع اول تدخل بشري، حتى انت متخيلة لدرجة انه مثلا حد يخطي على العشب ده انت متخيلة انه ده حتى بيسيب اثر. حبوب اللقاح كمان حفرية جميلة يعني في حفريات بتتآكل يعني بتبقى موجودة بس بتتآكل، لكن حبوب اللقاح لأ حبوب اللقاح مكونة من حاجة اسمها سبورو بولينين دي كميكاليستابل وبالتالي بتفضل بقى الاف السنين محفوظة في التربة اللي اتكونت في العصر ده. احنا بنروح نعملها سامبلينج على أعماق، وبعدين نروح نشوف كل عينة من دول ايه عمرها قد ايه radio carbon dating. وبعد كده نشوف المحتوى بتاع حبوب اللقاح فيها يعني نبدأ نعد حبوب اللقاح. بعد كده لما بنلاقي النسبة الأكبر أو dominent …  أنه لازم ناخد بالنا انه التركيبة النباتية ما بتبقاش كلها تركيبة واحدة، يعني احنا بنلاقي في حبوب اللقاح حاجات جاية من eco zones تانية، بس الدوميننت هنا ايه تقريبا الدوميننت هنا العشر أو الخمستاشر نباتات اللي بتطلع في المستنقعات مثلا فده معنى ان ده كان مستنقع، بعد كده هنلاقي جزء جاي من الصحراء لانه فيه صحراء جنب ا لجيزة، بس ده هنعتبر انه هو جاي مع الهوى او جاي contamination لكن الاساس انه الحتة دي كانت مستنقع او كانت نهر او كانت مكان زراعي. بعد كده احنا بنقول انه في اللحظة دي العينة دي في الوقت ده الحتة دي كانت بكر وحصل غزو بشري. الناس جت عاشت هنا. بعدين الناس جت عاشت هنا عملت ايه نشوف بقى العينة اللي بعد كده اللي فوقيها اللي بترجع اللي بعديها مثلا بمئة سنة او بخمسين سنة. نبص نلاقي فجأة التكوين النباتي بقى ايه بقى ارض مزروعة فنقول انه العينة دي بعد مرور مئة سنة الناس اللي جت هنا في العينة اللي قبلها وعملت disturbance بدأوا يزرعوا فالناس اللي كانوا عايشين هنا قرية. بعد كده نقص نلاقي فجأة العينة اللي بعد كده اللي فوقيها اللي بترجع مثلا العصر بعديها بتقول لنا ان المكان ده فجأة بقى صحرا. النباتات اللي فيه بقت نباتات صبار واشياء من كده فده بقت صحرا، ومعدش فيه تأثير بشري. يبقى فيه ايه؟ يبقى المكان ده بقى جاف والناس مقدرتش تعيش هنا، بقى فيه تحول بيئي ونقدر نحكي القصة. وبالتالي احنا مش لازم نستعين بحكاية حبوب اللقاح او الغطاء النباتي. الغطاء النباتي بيحكي القصة بشكل دقيق جدا وبنسبة يعني تفوق في الموصفية بتاعتها 90%. وده شيء جميل ان احنا نقدر نفهم القصة بالشكل ده. وان كانت ما بتحكيش القصة احيانا بشكل مفصل. يعني هي تقدر تقولك انهم كانوا بيزرعوا قمح مثلا بس ساعات ما تقدرش تقولك هو نوع القمح ده كان ايه. انهم في المنطقة دي كانوا بيربوا مثلا أو بيحتفظوا بالمواشي، ولكن ما تقدريش تعرفي نوعية المواشي دي بشكل عام شوية.

نيتشر ميدل إيست: هو كمان الدراسة كانت بتقول ان النسبة الخطأ اللي بتتحركوا فيها هي 80 سنة ايه المقصود بنسبة الخطأ دي؟

هدير شعيشع: هو وسائل التأريخ الموجودة حاليا ما بتتحليناش دقة أعلى من كده. احنا بنستخدم الكربون المشع، والكربون المشع مش بيدينا بالسنة، هو بيقول لنا العينة دي قد تكون ترجع ل4000 سنة قبل الميلاد بس يعني ممكن تكون قبل كده ب80 سنة بعد كده ب80 سنة احنا ما نقدرش نقول هي 4000 بالضبط، لا احنا بنديكي range كده ممكن تكون 4080 او ممكن تكون 3920 كده. لكن في النهاية احنا وبرغم ان احنا ما نقدرش نقول في السنة 27 ولا 28 من حكم الملك خفرع حصل كده احنا ما نقدرش نقول بالسنة ولكن احنا نقدر نقول في خلال المملكة القديمة اللي كان الـscale بتاعها أكبر من 80 سنة حصل كده وكده وكده على مستوى أكبر، ولكن لسه وسائل التأريخ ما وصلتش انها تقول لنا بالسنة وبالشهر. احياناً فيه ده بس مش في كل الاماكن في العالم. لازم مواصفات معينة للعينات عشان نقدر نقول بالدقة دي. وفي مصر المستوى لانه احنا ايه الراديو كربون ديتينج؟ احنا بناخد الأورجانيك كونتنت المحتوى العضوي او الكربون في التربة ونأرخه ففي مصر ده مش متاحة قوي الكربون بيجي من غطاء كثيف غطاء نباتي كثيف ده مش موجود قوي وبالتالي نسبة الكاربون المتاحة في الطربة مش بتدينا الامكانية العالية قوي ان احنا نعمل تأريخ دقيق.

اشترك للحصول على النشرة الإلكترونية المحدّثة كل أسبوعين لكي تبقى على اطلاع بكافة المستجدات على الموقع.